បន្ទាប់ ​ពី​ក្លឹ​ប​ Manchester​ United​ បាន​ប្រកួត​ចាញ់​ក្លឹ​ប​ Southampton​ លទ្ធផល​ 2-1​ នៅ​ក្នុង​ទឹកដី​ Old​ Trafford​ កន្លង​មកនេះ​ ស​ន្និ​សីទកាសែត​មួយ​បាន​ស្រង់​យកសម្តី​របស់​គ្រូបង្វឹក​ Louis​ Van​ Gaal​ ថា​ គាត់​ពិតជា​មាន​អារម្មណ៍​តានតឹង​យ៉ាង​ខ្លាំង​ជាមួយនឹង​លទ្ធផល​របស់​ក្លឹ​ប​ Man​ Utd​។​ ប្រភព​ច្បាស់​ការណ៍​បញ្ជាក់​ថា​ គ្រូបង្វឹក​ Van​ Gaal​ មិន​បាន​ដាក់​លិខិត​លាឈប់​ពី​ក្លឹ​ប​បិសាច​ក្រហម​ Manchester​ United​ នោះ​ទេ​។

​គ្រូបង្វឹក​ Van​ Gaal​ ធ្លាប់​បាន​ប្រាប់​អ្នក​សា​ព័​ត៌​មាន​កាលពី​ខែធ្នូ​ក្រោយ​ពេល​ប្រកួត​ចាញ់​ ក្លឹ​ប​ Stoke​ នៅ​ក្នុង​លទ្ធផល​ 2-0​ ថា​ ការ​ធ្លាក់​ទៅ​ដល់​តំបន់​កាត់​ចោល​គឺ​មិន​អាច​ទៅ​រួច​នោះ​ទេ​សម្រាប់​ក្លឹ​ប ​ Man​ Utd​ ហើយ​អ្វី​ដែល​គាត់​ខ្លាច​បំផុត​គឺ​មានឈ្មោះ​ត្រូវ​គេ​បណ្តេញចេញ​តែ​ម្តង​។​ “​ខ្ញុំ​អាច​សម្រេចចិត្ត​ចាកចេញ​ដោយ​ខ្លួនឯង​បាន​ ហើយ​រឿង​នេះ​ចាំ​ខ្ញុំ​និយាយ​ជាមួយនឹង​លោក​ Ed​ Woodward​ ដោយ​ខ្លួនឯង​។​”​​  

ក្រោយ​ពេល​ដែល​ដឹកនាំ​ក្លឹ​ប​ Man​ Utd​ ជួប​គ្រោះ​ស៊យ​ជា​ញឹកញាប់​កន្លង​មក​ពេល​នេះ​ អនាគត​របស់​គ្រូបង្វឹក​ Louis​ Van​ Gaal​ វ័យ​ 64​ ឆ្នាំ​រូប​នេះ​នៅ​មិន​ទាន់​ច្បាស់ការ​នោះ​ទេ​ ព្រោះ​ការ​ដណ្តើម​ពានរង្វាន់​ជើងឯក​ Premier​ League​ ក៏​កាន់តែ​ឃ្លាតឆ្ងាយ​ហើយ​។​ ក្រោម​កុងត្រា​រយៈ​ 3​ ឆ្នាំ​ជាមួយនឹង​ក្លឹ​ប​ Man​ Utd​ កាលពី​រដូវក្តៅ​ឆ្នាំ​ ២០១៤​ គ្រូបង្វឹក​ Louis​ Van​ Gaal​ បាន​ដឹកនាំ​បាន​ 17​ ខែ​ហើយ​ បើសិនជា​គ្រូបង្វឹក​រូប​នេះ​បណ្តេញចេញ​ពិតមែន​ Van​ Gaal​ ធ្លាប់​បាន​ប្រកាស​ហើយ​ថា​ Man​ Utd​ ជា​ក្លឹ​ប​ចុង​ក្រោយបង្អស់​ដែល​គាត់​ដឹកនាំ​៕

​ប្រភព​៖​ goal.com​ , sportkh